Það er fátt leiðinlegra en að kaupa glænýja og rándýra öskju af jarðarberjum og finna svo nokkur skemmd ber daginn eftir, jafnvel samdægurs. Á vefnum Taste of Home er farið ítarlega yfir hvernig nákvæmlega á að geyma jarðarber þannig að þau endist sem lengst.

Veljið vel

Skoðið öskjuna vel áður en þið kaupið og tryggið að jarðarberin séu falleg á litin og að engin séu skemmd eða marin.

Ekki skola þau strax

Jarðarber endast lengur ef þau eru ekki skoluð strax þannig að geymdu skolunina þar til rétt áður en þú borðar þau.

Geymið þau í grænmetisskúffunni

Rakastigið í grænmetisskúffunni er fullkomið fyrir jarðarber. Best er að setja pappírsþurrku í jarðarberjaboxið, en þurrkan dregur í sig aukaraka og passar að jarðarberin verði ekki að mauki.