Margir kannast eflaust við að heyra frá foreldrum sínum að það sé í lagi að borða myglað brauð og nóg sé að henda bara sneiðinni sem er mygluð til að bjarga heilum brauðhleif.

Á vef Leiðbeiningastöð heimilanna er þessi misskilningur hins vegar leiðréttur.

„Ef þú sérð myglublett á brauðsneið ætti alltaf að henda öllum pokanum. Myglusveppurinn gæti hafa breiðst út langt inní brauðsneiðarnar þó myglan sjáist ekki. Þjóðsagan sem við mörg hver fengum að heyra sem krakkar um að myglan á brauðinu væri bara holl því það væri pensilín í henni, er því rakinn vitleysa!!“ stendur á síðunni.

Lesendum er jafnframt kennt hvernig eigi að geyma brauð til að minnka líkur á myglu.

„Geyma ætti brauð í plastpoka með götum eða í pappírspoka. Þegar brauðið nær að anda er minni lífslíkur fyrir myglusvepp. Alltaf sniðugt að skella helmingnum af brauðinu í frystinn ef ekki á að borða það innan tveggja daga.“