Við á matarvefnum elskum frönskur afskaplega mikið en finnst fátt leiðinlegra en linar og daufar franskar þegar við sækjum okkur mat til að fara með heim.
Reddit-notandinn zachtray76 er með lausn á þessu sem virðist virka mjög vel. Hann segir að maður þurfi einfaldlega að halda frönskupokanum opnum á meðan maður keyrir heim. Þannig losnar gufan úr læðingi og frönskurnar haldast stökkar þar til þeim er gúffað í sig.
Nú hugsa sumir að franskarnar verði ískaldar með þessari aðferð en auðvitað er til lausn á því. Ef þú átt bíl með sætahitara seturðu pokann einfaldlega í sætið og setur á hæsta hitastig í sætinu. Ef þú átt bíl sem inniheldur ekki slíkan lúxus er þjóðráð að setja pokann á gólfið farþegameginn og setja hitann í átt að fótunum í botn. Viti menn – útkoman ætti að vera stökkar en heitar franskar þegar heim er komið.