Á vefsíðunni Delish er að finna einfaldar skýringarmyndir um hvernig er best að skera granatepli, eina af ofurfæðum heimsins. Granatepli passar vel bæði í vefjur og salöt, svo dæmi séu tekin, en mörgum fallast hendur þegar kemur að því að skera eplin og taka fræin úr. Með þessum skýringarmyndum ætti sá höfuðverkur að heyra sögunni til.
Litli nabburinn á toppi granateplisins heitir blóm. Notið lítinn hníf til að skera blómið í burtu.
Notið hnífinn til að skera rákir í hliðar granateplisins. Passið ykkur bara að skera ekki of djúpt því þá mun allur safinn leka úr. Við viljum það ekki.
Notið hendurnar til að kljúfa eplið mjúklega í sundur þannig að hver hluti af granateplinu líti út eins og appelsínubátur.
Nú er komið að því skemmtilega. Nú er ekkert mál að fjarlægja fræin og borða þau með bestu lyst.