Villihundur komst inn á heimili í Indlandi og drap fimm mánaða gamla stúlku sem svaf þar í vöggu. Móðirin var að sinna heimilisstörfum og hafði skilið hurðina eftir opna.

Hið hræðilega slys átti sér stað á laugardag, 9. maí, í bænum Kamataka Bidar, norðvestur af borginni Hyderabad í suðurhluta Indlands. Hin fimm mánaða gamla Shivani, dóttir foreldranna Siddappa og Sudha lést eftir hundsárás eins og segir í dagblaðinu The Hindu.

Móðirin var að sinna heimilisstörfum og hafði útidyrahurðina opna. Þá laumaðist villihundur inn og réðist á varnarlaust barnið sem svaf í vöggu sinni.

Shivani litla vaknaði og öskraði þegar hundurinn beit í hana og kom móðirin hlaupandi að. En það var um seint. Hundurinn hafði bitið hana margsinnis.

„Þegar ég náði að hrekja hundinn í burtu hafði barnið hlotið alvarleg áverka á höfði, andliti og annars staðar á líkamanum,“ sagði hún við The Hindu.

Shivani var flutt á spítalann BRIMS í Bidar en lést þar af sárum sínum skömmu seinna.

Íbúar í bænum hafa lengi kvartað undan villihundum. Ferðast þeir oft saman í hópum og yfirvöld gera lítið í málinu. Eftir þetta slys hafa íbúar krafist þess að yfirvöld geri eitthvað í málinu og verji fólk frá þessum hundum.