fbpx
Sunnudagur 26.maí 2024
Fréttir

Paul Watson undirbýr Operation ICESTORM – „Tíminn er liðinn hjá heimsins alræmdasta hvalveiðimanni, Kristjáni Loftssyni“

Kristinn H. Guðnason
Miðvikudaginn 17. apríl 2024 12:00

Kristján Loftsson og Paul Watson hafa eldað grátt silfur saman um áratuga skeið.

Ekki missa af Helstu tíðindum dagsins í pósthólfið þitt

Lesa nánar

Hvalfriðunarsinninn Paul Watson tilkynnti í gær nýja herferð gegn hvalveiðum á Íslandi í sumar. Skip hans mun sigla hingað frá Bretlandi í júní og stöðva veiðarnar.

Herferðin ber heitið Operation ICESTORM (Aðgerðin Ísstormur) og kynnti Watson hana í gær á Albert Dock í borginni Hull í Bretlandi. Herferðinni er beint sérstaklega gegn Hval hf og Kristjáni Loftssyni forstjóra fyrirtækisins og er ætlað að bjarga íslenskum langreyðum undan þeim.

„Tíminn er liðinn hjá heimsins alræmdasta hvalveiðimanni, Kristjáni Loftssyni,“ sagði Watson, sem var einn af stofnendum GreenPeace og Sea Shepherd.

Eins og frægt er orðið lét Watson sökkva tveimur hvalveiðiskipum í Reykjavíkurhöfn árið 1985. Hann siglir nú um höfin blá á gömlu skosku landhelgisgæsluskipi, John Paul DeJoria, og beitir sér gegn hvalveiðiskipum undir flaggi félags sem kallast CPWF.

Að sögn Watson er tap á hvalveiðum Kristjáns. Noti Kristján hagnað úr öðrum eignum, svo sem bönkum og tæknifyrirtækjum, til þess að fjármagna hvalveiðarnar. Verði ekkert gert muni tvö hvalveiðiskip hans, Hvalur 8 og Hvalur 9, halda til veiða í sumar.

Kristján svartsýnn

Enn þá er óvíst hvort að hvalveiðar hefjist í sumar. Hvalur hf. hefur sótt um leyfi en ekki fengið svör frá matvælaráðherra nema beiðni um frekari upplýsingar um hvernig félagið hyggist uppfylla kröfur tiltekinna laga og reglugerða. Hugsanlegt er að leyfi verði aðeins veitt til eins árs í senn.

Í viðtali við Morgunblaðið á laugardag sagði Kristján að útséð væri um hvalveiðar í sumar. Ekki sé hægt að ráða mannskap og kaupa aðföng til veiða í slíkri óvissu. Með því að veita leyfi aðeins til eins árs væri í raun verið að leggja hvalveiðar af.

Sigla í júní

Watson og félagar hans virðast ekki gefa mikið fyrir þetta. „Sjálfboðaliðar okkar eru að undirbúa það að við getum siglt frá Bretlandi í júní,“ sagði Locky MacLean, skipstjóri á John Paul DeJoria. „Eins og við sjáum það er Kristján Loftsson að undirbúa að veiða hvali í sumar og við verðum tilbúin.“

Sjá einnig:

Sökkti tveimur hvalveiðibátum í Reykjavíkurhöfn

„Hvalveiðar eru útreiknaðuð og grimmileg dráp af ásetningi á einum af gáfuðustu spendýrum jarðar. Hvalir gegna lykilhlutverki í að bjarga höfunum og öllu lífi á jörðu,“ sagði Rob Read, sem hefur stýrt landaðgerðum CPWF á Íslandi síðan árið 2018.

Sigla fyrir skip og senda út uppblásna báta

Einn af þeim sem tekur þátt í aðgerðunum er Kanadamaðurinn Dennis Alvey. Í söfnun á síðunni GoFundMe lýsir hann hvernig aðgerðin fer fram.

„Við siglum frá Hull til Íslands til þess að trufla með beinum hætti ólöglegar hvaðveiðar Íslendinga. Við munum nota allar aðferðir sem til eru nema ofbeldi til að stöðva það að hvalir verði skutlaðir,“ segir Alvey.

Ein aðferðin er að sigla í veg fyrir hvalveiði skipin þegar þau reyna að sigla úr höfn eða að sigla í veg fyrir þau úti á hafi. Önnur aðferð er að sigla uppblásnum smábátum á milli hvalveiðiskipanna og langreyðanna.

„Við munum einnig reka mikla fjölmiðlaherferð, kvikmynda öll hvaladráp og sýna heiminum,“ segir Alvey.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Myndband: Bjarni stígur dans í Malaví

Myndband: Bjarni stígur dans í Malaví
Fréttir
Í gær

Mikil reiði foreldra í garð bæjarstjórnar Suðurnesjabæjar vegna myglaðs leikskóla – „Hafið manndóm og kallið til neyðarfundar strax!“

Mikil reiði foreldra í garð bæjarstjórnar Suðurnesjabæjar vegna myglaðs leikskóla – „Hafið manndóm og kallið til neyðarfundar strax!“
Fréttir
Fyrir 2 dögum

Elliði hrósar Óttari: „Skorið upp herör gegn persónulegum rógburði skautun, strámennsku og öðrum þeim plagsiðum“

Elliði hrósar Óttari: „Skorið upp herör gegn persónulegum rógburði skautun, strámennsku og öðrum þeim plagsiðum“
Fréttir
Fyrir 2 dögum

Vara við fjárkúgun á netinu – „Það sem þeir sækjast eftir eru myndir af kynfærum eða ámóta myndefni“

Vara við fjárkúgun á netinu – „Það sem þeir sækjast eftir eru myndir af kynfærum eða ámóta myndefni“
Fréttir
Fyrir 2 dögum

Halldór ætlar ekki að biðja Arnar Þór afsökunar – Rifust fyrir viðtal í vikunni

Halldór ætlar ekki að biðja Arnar Þór afsökunar – Rifust fyrir viðtal í vikunni
Fréttir
Fyrir 2 dögum

Sló ökumann í höfuðið með bjórglasi

Sló ökumann í höfuðið með bjórglasi
Fréttir
Fyrir 3 dögum

Stórtíðindi í nýjustu skoðanakönnuninni – Halla Tómasdóttir komin í annað sæti

Stórtíðindi í nýjustu skoðanakönnuninni – Halla Tómasdóttir komin í annað sæti
Fréttir
Fyrir 3 dögum

„Algjör steypa“ að það sé glerbrot og hrossaskítur í neftóbaki

„Algjör steypa“ að það sé glerbrot og hrossaskítur í neftóbaki