fbpx
Laugardagur 04.febrúar 2023
Fréttir

Sprenging heyrðist langt inni í Rússlandi – Síðan kom torrætt úkraínskt tíst

Kristján Kristjánsson
Þriðjudaginn 6. desember 2022 05:55

Himininn lýstist upp í Saratov á mánudaginn. Mynd:Telegram / Figtherbomber

Ekki missa af Helstu tíðindum dagsins í pósthólfið þitt

Lesa nánar

Tveir herflugvellir, sem Rússar nota til að senda sprengjuflugvélar frá til árása á Úkraínu, skulfu vegna dularfullra sprenginga í gær. Nokkrir eru sagðir hafa látist og herflugvélar eru sagðar hafa eyðilagst og skemmst.

Það var klukkan 06.24 að staðartíma í gær sem himininn yfir Saratov lýstist skyndilega upp með óeðlilegri birtu og nær samtímis heyrðist mikil sprenging þegar eitthvað sprakk á herflugvelli borgarinnar.

Herflugvöllurinn er 500 km frá úkraínsku landamærunum. Enn er ekki vitað nákvæmlega hvað gerðist en svo undarlega, eða ekki, vildi til að næstum samtímis urðu sprengingar á herflugvelli í Ryazan sem er í allt öðru héraði. New York Times segir að Úkraínumenn hafi gert árásir á flugvellina með drónum.

Rússneska ríkisfréttastofan TASS segir að þrír hafi látist og fimm særst í Ryazan og að tveir hafi særst í Saratov.

Rússneska varnarmálaráðuneytið sagði í gærkvöldi að Úkraínumenn hafi gert drónaárás á flugvellina en tekist hafi að skjóta drónana niður. Ekki var getið um tjón en óháði miðillinn Astra segir að tvær Tu-95 sprengjuflugvélar hafi skemmst.

Atburðirnir þóttu svo alvarlegir að Vladímír Pútín, forseta, var tilkynnt um þá.

Eins og áður sagði þá segja Rússar og New York Times að Úkraínumenn hafi gert árásir á flugvellina og það fær kannski stuðning í torræðu tísti frá Mykhailo Podolyak, einum aðalráðgjafa Volodymyr Zelenskyy, forseta. „Jörðin er hnöttótt, það uppgötvaði Galileo. Í Kreml hafa þeir ekki lagt stund á stjörnufræði en vilja þess í stað hafa hofstjörnufræðinga. Ef þeir hefðu lært stjörnufræði myndu þeir vita að þegar maður skýtur einhverju inn í lofthelgi annars lands, þá kemur það fyrr eða síðar fljúgandi til baka,“ skrifaði hann á Twitter.

Í rússneskum fjölmiðlum eru nú uppi miklar vangaveltur um hvort Úkraínumenn geti sent dróna mörg hundruð kílómetra inn í Rússland. Dagblaðið Readovka birti til dæmis kort þar sem er sýnt að Úkraínumenn geti sent dróna alla leið til Moskvu.

Líklegt er talið að drónarnir hafi verið sendir á loft frá Kharkiv. Annar flaug þá 566 km til Ryazan en hinn um 700 km til Saratov.

Ekki er langt síðan Ukroboronprom, sem er stærsti vopnaframleiðandinn í Úkraínu, sagði að verið væri að ljúka við gerð dróna sem getur flogið 1.000 km með 75 kg af sprengiefni.

Í morgun bárust síðan fréttir af að drónaárás hafi verið gerð á herflugvöll í Kursk sem er ekki fjarri úkraínsku landamærunum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Frétta­vaktin: Orka frá vind­­myllum ó­­­traust og notkun megrunar­lyfja tí­faldast

Frétta­vaktin: Orka frá vind­­myllum ó­­­traust og notkun megrunar­lyfja tí­faldast
Fréttir
Fyrir 2 dögum

Edda Björk tapaði í Landsrétti: Þarf að láta synina frá sér innan þriggja vikna

Edda Björk tapaði í Landsrétti: Þarf að láta synina frá sér innan þriggja vikna
Fréttir
Fyrir 2 dögum

TF-SIF á hilluna vegna hagræðingar

TF-SIF á hilluna vegna hagræðingar