fbpx
Laugardagur 04.desember 2021
Fréttir

Fyrrum borgarstjóri hjólar í Dag borgarstjóra – „Millj­arðasóun, spill­ing og skemmd­ar­verk Dags“

Máni Snær Þorláksson
Miðvikudaginn 24. nóvember 2021 15:00

Myndin er samsett.

Ekki missa af Helstu tíðindum dagsins í pósthólfið þitt

Lesa nánar

Ólafur F. Magnússon, læknir og fyrrverandi borgarstjóri, er ekki ánægður með núverandi borgarstjóra, Dag B. Eggertsson, ef marka má pistilinn sem hann skrifaði og birtisti í Morgunblaðinu í dag.

Í pistlinum gagnrýnir Ólafur núverandi borgarstjóra fyrir framkomu sína í Silfrinu á RÚV en Dagur var gestur þáttarins á sunnudaginn. „Hann hrósaði sjálf­um sér mjög í viðtal­inu og sam­herj­um sín­um í flug­vall­ar­mál­inu úr Sjálf­stæðis­flokki, þeim Hönnu Birnu Kristjáns­dótt­ur og Gísla Marteini Bald­urs­syni,“ segir Ólafur.

„Það voru einkum þrír ein­stak­ling­ar sem borg­ar­stjóri „vandaði ekki kveðjurn­ar“ svo notað þé orðalag spyr­ils­ins, Eg­ils Helga­son­ar. Ekki kom á óvart að ég væri einn þess­ara ein­stak­linga, enda var ég sá borg­ar­stjóri á þess­ari öld sem barðist ein­arðleg­ast fyr­ir áfram­haldi Reykja­vík­ur­flug­vall­ar í Vatns­mýri.

Vil­hjálmi Þ. Vil­hjálms­syni kenndi hann um skamm­líft meiri­hluta­sam­starf mitt við Sjálf­stæðis­flokk­inn, þó að nær væri að benda þar á Hönnu Birnu Kristjáns­dótt­ur og fé­laga henn­ar úr hópi flug­vall­ar­and­stæðinga í Sjálf­stæðis­flokkn­um. Hanna Birna og fé­lag­ar komu Vil­hjálmi Þ. frá sem odd­vita borg­ar­stjórn­ar­flokks Sjálf­stæðis­flokks­ins í júní 2008 og mér frá sem borg­ar­stjóra tveim mánuðum síðar.“

„Mik­il óráðsía og spill­ing rík­ir nú í stjórn borg­ar­inn­ar“

Ólafi fannst athyglisvert hvernig Dagur talaði um Sigmund Davíð Gunnlaugsson, formann Miðflokksins, í þættinum. „Dag­ur sakaði hann um stefnu­leysi og tæki­færis­mennsku og að hann hefði á sín­um tíma verið meiri and­stæðing­ur flug­vall­ar­ins en Gísli Marteinn, að sögn Gísla Marteins, þegar þeir unnu sam­an í Kast­ljós­inu,“ segir Ólafur.

Þá talar Ólafur fjármálastjórn Sigmundar Davíðs sem forsætisráðherra en hann ber fjármálastjórnina hans saman við „fjármálaóstjórn“ Dags. „Mik­il óráðsía og spill­ing rík­ir nú í stjórn borg­ar­inn­ar,“ segir hann.

„Það er líka þörf á því, að bera fjár­mála­stjórn okk­ar Vil­hjálms í borg­ar­stjóratíð okk­ar sam­an við fjár­mála­ó­stjórn Dags Eggerts­son­ar. Dag­ur hef­ur marg­faldað kostnað við rekst­ur borg­ar­stjóra­skrif­stof­unn­ar frá tíð okk­ar Vil­hjálms og stundað hreina óráðsíu í fjár­mál­um borg­ar­inn­ar með útþenslu á borg­ar­bákn­inu á flest­um sviðum. Til viðbót­ar kem­ur gríðarleg lán­taka og skulda­aukn­ing. Mikl­ir fjár­mun­ir fara í að hindra um­ferðarflæði um göt­ur borg­ar­inn­ar og í gælu­verk­efni á borð við bragg­ann fræga.“

Vill að Dagur fái reisupassann

Að lokum hvetur Ólafur kjósendur til að gefa Degi reisupassann í næstu borgarstjórnarkosningum. „Nú­ver­andi borg­ar­stjóri finn­ur hins veg­ar ekk­ert að hjá sjálf­um sér en tal­ar í sí­fellu um borg­ar­línu, þétt­ingu byggðar og flug­völl­inn í Vatns­mýri, sem hann hef­ur tekið ástríðufullu hatri við,“ segir hann.

„Millj­arðasóun, spill­ing og skemmd­ar­verk Dags í borg­ar­stjóra­embætt­inu gera það bráðnauðsyn­legt að kjós­end­ur gefi hon­um reisupass­ann í næstu borg­ar­stjórn­ar­kosn­ing­um.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Erlendir glæpahópar með íslenska meðlimi innanborðs herja á landsmenn

Erlendir glæpahópar með íslenska meðlimi innanborðs herja á landsmenn
Fréttir
Í gær

Meintur höfuðpaur í klaufalegu kókaínsmygli dreginn fyrir dóm – Óútskýrðar tekjur námu tugum milljóna

Meintur höfuðpaur í klaufalegu kókaínsmygli dreginn fyrir dóm – Óútskýrðar tekjur námu tugum milljóna
Fréttir
Í gær

Ómíkron-smitaði einstaklingurinn á Landspítalanum er fullbólusettur og búinn að fá örvunarskammt

Ómíkron-smitaði einstaklingurinn á Landspítalanum er fullbólusettur og búinn að fá örvunarskammt
Fréttir
Í gær

Skotið á rúður í Kórahverfi – „Fór kúla í gegnum rúðuna og hafnaði í borðstofuborði“

Skotið á rúður í Kórahverfi – „Fór kúla í gegnum rúðuna og hafnaði í borðstofuborði“
Fréttir
Í gær

Árásarmaður í Spönginni er barn – Bæði hann og afgreiðslustúlkan flutt á slysadeild – Maður sem yfirbugaði árásarmann ræðir við DV

Árásarmaður í Spönginni er barn – Bæði hann og afgreiðslustúlkan flutt á slysadeild – Maður sem yfirbugaði árásarmann ræðir við DV
Fréttir
Fyrir 2 dögum

Lögreglan staðfestir að torkennilegi hluturinn hafi verið sprengja

Lögreglan staðfestir að torkennilegi hluturinn hafi verið sprengja
Fréttir
Fyrir 2 dögum

Gunnlaugur Bragi tekur við formennsku Hinsegin daga á nýjan leik

Gunnlaugur Bragi tekur við formennsku Hinsegin daga á nýjan leik