fbpx
Laugardagur 04.desember 2021
Fréttir

Óhugnanlegt frelsissviptingarmál fer loksins fyrir dóm

Ágúst Borgþór Sverrisson
Laugardaginn 13. nóvember 2021 17:00

Mynd: Fréttablaðið/Eyþór

Ekki missa af Helstu tíðindum dagsins í pósthólfið þitt

Lesa nánar

Óhugnanlegt atvik sem átti sér stað þann 4. janúar árið 2019 er nú loksins að verða að dómsmáli. Á mánudaginn verður tekið fyrir í Héraðsdómi Reykjavíkur mál gegn manni sem ákærður er fyrir frelsissviptingu og kynferðisofbeldi gegn konu.

Samkvæmt ákæru bauð maðurinn konunni inn í íbúð til sín föstudagskvöldið 4. janúar árið 2019 og hélt henni síðan nauðugri í íbúðinni í þrjár klukkustundir. Jafnframt því að varna konunni því að komast út úr íbúðinni er maðurinn saga hafa beitt hana ofbeldi. Ákært er fyrir nauðgun og frelsissviptingu, en orðrétt segir í ákærunni:

„…fyrir nauðgun og frelsissviptingu, með því að hafa að kvöldi föstudagsins 4. janúar 2019 boðið A, kennitala […], inn í íbúð sína í húsinu […] við […] í Reykjavík og varnað henni að komast út úr íbúðinni og svipt hana frelsi sínu allt að þrjár klukkustundir, og á þeim tíma með ofbeldi og ólögmætri nauðung og án samþykkis, beitt A kynferðisofbeldi meðal annars í stofu og í svefnherbergi, en ákærði bar hana tvívegis inn í svefnherbergi þar sem hann kastaði henni á rúm og settist ofan á hana, setti fingur tvívegis inn í leggöng hennar, káfaði margsinnis á líkama hennar innan- og utanklæða, setti tungu sína nokkrum sinnum inn í munn hennar, tók upp bol hennar og sleikti á henni brjóstin, beit í axlir hennar og nuddaði á henni axlirnar, en af þessu hlaut A húðroða á vinstri öxl.“

Af hálfu hins opinbera er krafist þess að maðurinn verði dæmdur til refsingar og greiðslu alls sakarkostnaðar. Konan sem varð fyrir hinni meintu árás gerir einkaréttarkröfu um miskabætur að fjárhæð fjórar milljónir króna.

Sem fyrr segir er fyrirtaka í málinu á mánudag, 15. nóvember. Ákæra var gefin út í málinu þann 26. ágúst eða meira en tveimur og hálfu ári eftir að atburðurinn átti sér stað.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 2 dögum

Ómíkron afbrigðið komið til landsins

Ómíkron afbrigðið komið til landsins
Fréttir
Fyrir 2 dögum

„Fuck you perri“ – Hörður herjar á mörg börn í sama skólanum og foreldrar sameinast – Margar kærur framundan

„Fuck you perri“ – Hörður herjar á mörg börn í sama skólanum og foreldrar sameinast – Margar kærur framundan
Fréttir
Fyrir 2 dögum

Gunnlaugur Bragi tekur við formennsku Hinsegin daga á nýjan leik

Gunnlaugur Bragi tekur við formennsku Hinsegin daga á nýjan leik
Fréttir
Fyrir 2 dögum

140 greindust í gær – 477 börn skráð á göngudeild LSH

140 greindust í gær – 477 börn skráð á göngudeild LSH