fbpx
Fimmtudagur 01.október 2020
Fréttir

Þór kjörinn formaður Landsbjargar – „Félagsskapur sem getur flutt fjöll“

Ragna Gestsdóttir
Laugardaginn 18. maí 2019 14:08

Ekki missa af Helstu tíðindum dagsins í pósthólfið þitt

Lesa nánar

Landsþing Slysavarnafélagsins Landsbjargar fer fram á Egilsstöðum núna um helgina og eru um 500 félagar staddir á þinginu.

Þór Þorsteinsson sem verið hefur varaformaður félagsins frá árinu 2017 var í dag kjörinn formaður Landsbjargar, en Smári Sigurðsson sem gegnt hefur starfinu frá árinu 2015 gaf ekki kost á sér til endurkjörs.

Þór er fyrrum formaður björgunarsveitarinnar Oks í Borgarfirði og var einn þriggja í framboði til formanns, en hinir voru Guðjón Guðmundsson og Þorsteinn Þorkelsson.

Þór hefur verið virkur félagi í björgunarsveit í um 20 ár og verið á útkallslista og aðgerðarstjórnandi til margra ára, auk þess sem hann hefur verið leiðbeinandi hjá Björgunarskóla SL.

„Slysavarnafélagið Landsbjörg hefur á margan hátt gert mig að því sem ég er. Vináttan, samheldnin og þrautseigjan sem ég hef upplifað hefur mótað mig og sýn mína á sjálfan mig, félagið og í raun samfélagið okkar í heild sinni,“ skrifar Þór til félaga sinna í þinggögnum.

„Áskoranirnar framundan eru fjölmargar. Stjórn félagsins þarf ætíð að vera þjónandi afl með sterkar tengingar við grasrótina, tilbúin til að takast á við ný verkefni með hagsmuni heildarinnar að leiðarljósi. Slagkraftur félagsins er gríðarlega mikill og með samheldni að vopni eru okkur allar leiðir færar. Slysavarnafélagið Landsbjörg er félagsskapur sem getur flutt fjöll.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 20 klukkutímum

Stefnir í sögulegt atvinnuleysi í haust og vetur

Stefnir í sögulegt atvinnuleysi í haust og vetur
Fréttir
Fyrir 21 klukkutímum

Þetta eru nýir eigendur Icelandair – Listi birtur yfir 20 stærstu hluthafana

Þetta eru nýir eigendur Icelandair – Listi birtur yfir 20 stærstu hluthafana
Fréttir
Fyrir 2 dögum

Móðir ungu konunnar í Kristals-auglýsingunni stígur fram – „Þú ert að lítilsvirða dóttur mína“

Móðir ungu konunnar í Kristals-auglýsingunni stígur fram – „Þú ert að lítilsvirða dóttur mína“
Fréttir
Fyrir 2 dögum

Margrét svarar umdeildri grein Önnu Karenar um BLM – „Vel þekkt aðferð að ráðast á persónur frekar en raunveruleg málefni“

Margrét svarar umdeildri grein Önnu Karenar um BLM – „Vel þekkt aðferð að ráðast á persónur frekar en raunveruleg málefni“