Guðrún Benediktsdóttir hefur stefnt Aras Nasradeen Kak Abdullah, rúmlega þrítugum Kúrda frá Írak, fyrir héraðsdóm þar sem hún krefst skilnaðar. Málið verður þingfest í dag samkvæmt öruggum heimildum DV, fyrir Héraðsdómi Reykjavíkur. Einnig hefur DV heimildir fyrir því að lögmaður Guðrúnar hafi sent beiðni til dómstóla um opinber fjárskipti hjónanna í síðustu viku. Aras er sagður eiga tvo glæsibíla en Guðrún er eignalaus og býr í leiguíbúð.
Mál Guðrúnar hefur mikið verið í fréttum og má lesa tvær fréttir um málið hér fyrir neðan. Guðrún og Aras giftust árið 2017 en hafa ekki búið saman í næstum ár og hefur Guðrún þann tíma árangurslaust reynt að fá Aras með sér til sýslumanns til að skrifa undir skilnaðarpappíra. Dvalarleyfi Aras rann út í síðasta mánuði. Talið var ólíklegt að hann fengi dvalarleyfi framlengt en DV hefur ekki upplýsingar um stöðu þess máls.
Guðrún segist hafa gifst Aras af ást en hjónabandið hafi verið svikamylla af hans hálfu og hann hafi einungis gifst henni til að öðlast dvalarleyfi og íslenska kennitölu. Hún sakar Aras einnig um að hafa féflett sig og beitt sig ofbeldi.
Guðrún er illa sett fjárhagslega en hún nýtur gjaldfrjálsrar þjónustu lögmanns og getur þess vegna stefnt Aras. Lögmaður hennar ætlar einnig að krefja Aras um framfærslueyri aftur í tímann en sýslumaður mun úrskurða í því máli.
Sjá einnig:
Guðrún leitar að manninum sínum svo hún geti skilið við hann
Nýjar vendingar í máli Guðrúnar og Aras
