Charlotte Dubard hafði skyndilega sterka löngun í sykur og þyngdist um sex kíló. En það var ekki fyrr en hún fékk mikla magaverki þegar hún ákvað að athuga hvað væri í gangi.

Hún fann fyrir miklum þrýsting og notaði síma sinn til að taka myndband af píkunni sinni og var mjög brugðið þegar hún sá hár á barnshöfði koma út.

Charlotte, 24 ára frá London, fæddi heilbrigðan dreng sem fékk nafni Elias. Hún segir að kærasti hennar hafi ekki trúað þessu þegar hann kom heim.

„Þegar Miguel kom heim öskraði hann: „Guð minn góður þú fannst barn á götunni.“ Ég byrjaði að hágráta og sagði „Hann er okkar,““ segir Charlotte við Daily Mail.

Unga parið fór beint á spítalann með drenginn.

„Það var ekki fyrr en við komum á spítalann að ég áttaði mig á hvað hafði gerst. Ég var í svo miklu áfalli frá fæðingunni að ég hafði ekki átta mig á Elias. En þegar við vorum að bíða eftir lækninum sagði Miguel: „Sjáðu hann er með nefið þitt,“ og þá áttaði ég mig allt í einu á því að hann væri okkar.“

Charlotte segir að hún telur sig afar heppna að hafa fætt svona heilbrigt barn þrátt fyrir að hafa reykt, drukkið áfengi og unnið 14 tíma vaktir mest alla meðgönguna.

Hún segir að hún hélt áfram að taka pilluna meðan hún var ólétt og heldur því fram að blæðingar hennar voru reglulegar og venjulegar meðan hún var ófrísk.

„Ég kalla hann kraftarverkabarnið mitt því hann er svo heilbrigður eftir allt sem ég lét hann ganga í gegnum. Líka það er svo margt sem hefði getað farið illa í fæðingunni en allt gekk svo vel,“ segir Charlotte.

„Ljósmæðurnar spurðu mig hvernig ég vissi hvar ætti að klippa á naflastrenginn því ef ég hefði gert það rangt hefði það getað verið mjög hættulegt. Ég hafði ekki hugmynd hvernig ég vissi nákvæmlega hvað ætti að gera. Ætli eðlishvötin hafi ekki tekið yfir.“

Charlotte sagði móður sinni ekki strax frá því að hún væri orðin amma.

„Hún var að vinna og ég vissi að hún gæti ekki klárað vaktina ef ég myndi segja henni. Ég beið þar til daginn eftir og hún var svo hissa. En fjölskylda mín hefur verið svo stuðningsrík. Þau eru mjög strangtrúaðir kaþólikkar og sjá Elias sem kraftaverk. Amma mín segir að hann sé lítill engill.“