Hin þrjátíu og níu ára gamla Kourtney Kardashian greindi frá því í nýlegu viðtali að hún elskar að ganga um nakin heima hjá sér þar sem hún telur mikilvægt að kenna börnunum sínum á jákvæða líkamsímynd.
„Ég er mjög örugg með sjálfa mig. Mér finnst gott að ganga um nakin heima hjá mér og mér finnst mikilvægt að sýna jákvæða líkamsímynd,“ segir Kourtney í viðtali við tímaritið GQ Mexico.
Kourtney hefur verið þekkt fyrir öfundsverðan líkamsvöxt en stjarnan viðurkennir að hún hafi þurft að hafa mikið fyrir því í gegnum tíðina að halda sér í formi. Hún hafi prófað allskonar megrunarkúra undanfarin ár og að hún hafi lært eitthvað af hverjum þeirra.
„Áður var ég alltaf með eitthvað sérstakt mataræði og nýti ég mér það sem ég hef lært í gegnum tíðina, en ég er ekki svona ströng á það sem ég borða lengur.“
https://www.instagram.com/p/Bqp02bmnbvU/?utm_source=ig_embed
Segir Kourtney að það mikilvægasta í lífinu sé móðurhlutverkið og að á eftir því finnist henni mikilvægt að hreyfa sig.
„Að vera móðir er það mikilvægasta vegna þess að þar liggur hjarta mitt. Svo finnst mér mikilvægt að hreyfa mig, ekki bara fyrir líkamann heldur gerir það gott fyrir hugann líka, það hjálpar mér að slaka á.“
Fleiri áhugamál Kourtney eru að ferðast, nærast, skreyta og tíska en hún viðurkennir að hún hafi ekki gefið sér nægilega mikinn tíma til þess að sinna áhugamálum sínum undanfarin ár.