Manchester United er í viðræðum við spænska félagið Getafe um að lána sóknarmanninn Mason Greenwood í annað ár.
Frá þessu greinir the Athletic en Greenwood hefur staðið sig vel með Getafe í vetur og er á láni hjá félaginu.
Getafe vonast innilega til að halda Greenwood en gerir sér grein fyrir því að kaupverðið muni reynast of hátt til að sækja leikmanninn endanlega.
United ku vera opið fyrir því að lána Greenwood í eitt ár til viðbótar þó að lið á borð við Juventus og Atletico Madrid hafi áhuga á að kaupa.
Um er að ræða 22 ára gamlan sóknarmann sem verður samningslaus í Manchester næsta sumar.