Alfreð Finnbogason og Guðlaugur Victor Pálsson og þeirra liðsfélagar í Eupen í Belgíu eru fallnir úr efstu deild þar í landi eftir tap gegn Kortrijk í dag.

Um var að ræða gríðarlega mikilvægan leik fyrir bæði lið en Freyr Alexandersson er þjálfari Kortrijk sem vann 1-0 sigur.

Guðlaugur lék allan leikinn fyrir Eupen í tapinu en Alfreð er frá þessa stundina vegna meiðsla.

Eftir tapið er Eupen með 25 stig og er á botni fallriðilsins og getur ekki náð Kortrijk er ein umferð er eftir.

Kortrijk er að sama skapi einu stigi á undan RWDM fyrir lokaumferðina og er gríðarlega mikið undir í þeim leik.

Kortrijk er eins og staðan er í umspilssæti um að halda sætinu í efstu deild en RWDM getur enn náð liðinu ef illa fer í næstu umferð.