Erling Haaland, leikmaður Manchester City, svaraði fyrir sig í gær eftir leik liðsins við Wolves í efstu deild.
Haaland gerði sér lítið fyrir og skoraði fernu er City vann sannfærandi 5-1 sigur á heimavelli í toppbaráttunni.
Roy Keane, fyrrum leikmaður Manchester United, gagnrýndi Haaland nýlega og hafði ekki of góða hluti að segja um Norðmanninn.
Keane vill meina að Haaland eigi það til að spila eins og sóknarmaður í fjórðu deild Englands og að hann bjóði upp á fátt annað en að setja boltann í netið.
Haaland var spurður út í þessi ummæli í gær en hann virðist ekki taka þessi ummæli of persónulega.
,,Mér er í raun alveg sama um þennan mann,“ sagði Haaland við Viaplay um Keane og brosti en hann er markahæsti leikmaður úrvalsdeildarinnar.