Viðar Örn Kjartansson er ekki í leikmannahópi KA sem tekur nú á móti KR í Bestu deild karla. Vekur þetta nokkra athygli.
Viðar hefur verið á bekknum í öllum fyrstu leikjum sumarsins í Bestu deild karla.
Á Stöð2 Sport vildi Hallgrímur Jónasson þjálfari KA ekkert gefa upp um ástæðuna fyrir fjarveru Viðars úr hópnum.
Hann spilaði tæpan hálftíma gegn Víkingi um síðustu helgi. Magnús Þórir Matthíasson sem er að lýsa leiknum á Stöð2 Sport segir að Viðar sé ekki að mæta á allar æfingar liðsins.
„Enginn Viðar Örn í leikmannahópi KA-manna en samkvæmt kladdanum hjá Hadda þá vantar aðeins upp á mætingu á æfingar,“ skrifar Magnús um málið.
KA vs KR. Greifavöllurinn 16:00.
Enginn Viðar Örn í leikmannahópi KA-manna en samkvæmt kladdanum hjá Hadda þá vantar aðeins upp á mætingu á æfingar.
Hver er markahæstur í viðureignum þessara liða í Efstu deild?
Óvæntur Elfari Árni með 5 mörk. pic.twitter.com/ODmrFf88rf— Magnus Thorir (@MagnusThorir) May 5, 2024