Samfélagsmiðlar hafa logað vegna Twitter færslu frá notandanum Robert Maguire. Í færslunni birtir Robert mynd sem fólk virðist þurfa að líta tvisvar sinnum á til þess að sjá hvað raunverulega er á henni.
Við myndina skrifar Robert: „Þessi mynd af kráku er áhugaverð vegna þess að… þetta er í raun og veru köttur.“
Flestir sem sjá myndina halda að um sé að ræða kráku sem situr á flísum en þegar myndin er skoðuð nánar kemur í ljós að krákan er í raun og veru svartur köttur sem horfir aftur á myndavélina.
