Jadon Sancho hefur engan áhuga á því að snúa aftur til Manchester United eftir tímabilið en frá þessu greina enskir miðlar.
Sancho var lánaður til Dortmund í janúarglugganum og hefur staðið sig virkilega vel með sínu fyrrum félagi.
Sancho kom til United frá Dortmund á sínum tíma en stóðst í raun aldrei væntingar á Old Trafford.
Nú er greint frá því að Englendingurinn sé ekki að horfa til Manchester en samband hans og Erik ten Hag, stjóra United, er alls ekki gott.
Lánssamningur Sancho rennur út eftir um mánuð en hann vonast innilega til að vera hluti af öðru verkefni á næsta tímabili.
Ólíklegt er að Dortmund geti keypt Sancho aftur en hann var seldur fyrir 73 milljónir punda fyrir um tveimur árum.