Jennifer Garner og Ben Affleck eru hætt við að skilja samkvæmt heimildarmönnum People. Þau tilkynntu að þau væru skilin að borði og sæng í júní 2015. Þau eru ekki búin að taka saman aftur en hafa ákveðið að vinna áfram í hjónabandinu eftir að hafa gengið í gegnum erfiða atburði sem leiddu næstum til varanlegs skilnaðar.
Heimildarmenn People, sem eru náin parinu, segja þetta hafa verið ákvörðun sem þau tóku saman.
Það er alltaf möguleiki á sáttum. Þau elska hvort annað. Þau elska líka börnin sín rosalega mikið, og börnin elska foreldra sína.
Eftir að þau tilkynntu að þau væru skilin að borði og sæng voru þau samt áfram náin, bjuggu saman stóran hluta aðskilnaðarins og sáu saman um uppeldi barnanna.
Þau vilja halda fjölskyldunni saman,
sagði heimildarmaður náinn parinu.
