Einkaþota Cristiano Ronaldo yfirgaf Riyadh í Sádi-Arabíu í gærkvöldi og lenti í Madríd í nótt.
Ronaldo, sem leikur með Al-Nassr, hefur búið í Sádi-Arabíu frá því hann gekk í raðir félagsins árið 2022. Spennan hefur stóraukist í Miðausturlöndum eftir gagnárásir Írans gegn Ísrael og Bandaríkjunum, og þúsundir hafa yfirgefið svæðið.
Hinn 41 árs gamli Ronaldo er frá vegna meiðsla þessa dagana og verður ekki með í næsta leik liðsins.
Ekki hefur verið staðfest hvort Ronaldo hyggst dvelja lengi á Spáni, hvar hann lék sem kunnugt er með Real Madrid á árunum 2009 til 2018.
