Internetið er orðið erfitt viðureignar vegna upplýsingaóreiðu og falsfrétta. Þessu fékk ríkisstjóri Texas, Greg Abbott, að kynnast á dögunum eftir að hann deildi myndbandi á samfélagsmiðlinum X.

Abbott taldi sig vera að deila raunverulegu myndbandi sem sýndi bandarískt stríðsskip skjóta niður íranska flugvél. Myndbandið birti ein af fjölmörgum stuðningssíðum Donalds Trump Bandaríkjaforseta á miðlinum en í færslunni sagði: „Írönsk flugvél á móti bandarísku skipi. Ég gæti horft á þetta í allan dag.“

Netverjar voru fljótir að benda á mistökin og gerðu athugasemd við deilingu ríkisstjórans og bentu á að þarna væri um upptöku úr tölvuleik að ræða. Tölvuleikurinn kallast War Thunder og á að gerast í seinni heimsstyrjöldinni. Ríkisstjórinn eyddi deilingunni í framhaldinu en skaðinn var þegar skeður.

Blaðamaðurinn Alex Driggars skrifar:

„Greg Abbott ríkisstjóri deildi – og eyddi svo – myndbandi í kvöld sem átti að sýna bandarísk skip skjóta niður íranska flugvél. „Bæ, bæ,“ skrifaði hann. En þetta er ekki raunverulegt. Myndskeiðið, eins og netverjar hafa bent á, virðist koma úr seinni heimsstyrjaldar tölvuleik sem kallast War Thunder.“

Wired bendir á að miðillinn X, sem er í eigu auðkýfingsins Elon Musk, hafi fyllst af falsfréttum eftir að Trump tilkynnti að Bandaríkin og Ísrael stæðu sameiginlega að stórri hernaðaraðgerð gegn Íran. Miðillinn greindi hundruð myndbanda um helgina og fann fjölmörg dæmi um myndbönd sem áttu að sýna átökin um helgina en reyndust svo vera nokkurra mánaða eða jafnvel nokkurra ára gömul og tekin annars staðar en haldið var fram. Eins fundust dæmi um myndbönd sem voru gerð með gervigreind.

Gov. Greg Abbott tonight reposted — and then deleted — a video clip claiming to show a U.S. vessel shooting down an Iranian plane.

“Bye bye,” he wrote.

But it’s not real. The clip, commenters pointed out, appears to come from a WWII video game called War Thunder. #txlege pic.twitter.com/FAtgx9krkJ

— Alex Driggars (@AlexDriggars) March 2, 2026