Matvælastofnun hefur fengið upplýsingar frá FDA, Matvæla-og lyfjaeftirliti Bandaríkjanna, um innköllun á Rosabella Moringa fæðubótarefni vegna sýklalyfjaónæmrar salmonellu sem greindist í vörunni.

Varan er seld í netsölu meðal annars til Íslands og eru sölustaðir til dæmis eBay, TikTok, Amazon, Shein, Etsy og Tryrosabella.com. Á vef FDA kemur fram að varan hafi ratað til Íslands en óvíst er í hversu miklu magni.

Allar lotur með best fyrir dagsetningu frá 03/2027-11/2027 eru innkallaðar.

Neytendur sem keypt hafa vöruna skulu ekki neyta hennar heldur farga. Veikindi koma eftir 12-72 klukkustundir eftir neyslu og eru í 4 til 7 daga að ganga yfir.

Einkenni lýsa sér í niðurgangi, hita og magakrömpum. Ung börn og eldri eru viðkvæmari fyrir sýkingu.