Omar Marmoush er opinn fyrir því að yfirgefa Manchester City fyrir Barcelona. Þetta segir blaðamaðurinn Ekrem Konur.

Hinn 27 ára gamli Marmoush kom til City frá Frankfurt á miðju síðasta tímabili, en er ekki fullkomlega sáttur við hlutverk sitt í liði Pep Guardiola, en hann er í baráttu við menn eins og Erling Braut Haaland um sæti.

Börsungar eru í leit að framherja fyrir sumarið og spænska blaðið Sport sagði á dögunum að Marmoush væri einn þeirra sem er á blaði. Er Egyptinn til í að skoða slík skipti.

Julian Alvarez hjá Atletico Madrid hefur einnig verið orðaður við Barcelona, en Marmoush er einmitt nefndur sem mögulegur kostur fyrir Atletico einnig.