Lof mér að falla, kvikmynd Baldvin Z, er sýnd á kvikmyndahátíðinni, Toronto International Film Festival, sem stendur yfir í Kanada.

The Guardian nefnir myndina sem eina af fimm myndum „sem þú gætir hafa misst af“ og hvetur fólk til að sjá þær myndir. Greinarhöfundur telur myndirnar ekki hafa fengið þá athygli sem þær eiga skilið, þar sem þær eru hefðbundnar rauða dregils myndir með þeirri athygli og fjölmiðlaumfjöllun sem slíkar myndir fá oft.

Í greininni er söguþráður myndarinnar reifaður og nefnir greinarhöfundur að kvikmyndir um fíkniefni hafi lengi verið umfjöllunarefni geirans, en Baldvin Z taki nýjan vinkill til að sýna hvernig fíknin sundrar vináttu og fjölskyldum.

„Byggð lauslega á viðtölum við fjölskyldur fíkla, hikar myndin ekki við að sýna hvernig fíkniefni geti eyðilagt líf fólks og hversu máttvana aðstandendur geti upplifað sig í þessum aðstæðum.“