Líkt og síðustu ár gefur DV út veglegt tekjublað með upplýsingum um tekjur ríflega 2400 Íslendinga sem eru byggðar á greiddu útsvari viðkomandi samkvæmt álagningarskrám Ríkisskattstjóra.

Grímur Sæmundsen, forstjóri Bláa lónsins.
12.255.400 kr. á mánuði

Grímur Sæmundsen hefur um árabil stýrt Bláa lóninu.

Fyrirtækið er gullegg íslenskrar ferðaþjónustu en á síðasti ári hagnaðist fyrirtækið um 10,3 milljarða króna sem var aukning um 43 prósent frá fyrra ári.

Þannig greiddu gestir lónsins um 16 milljónir króna á dag í aðgangseyri ofan í hina manngerðu náttúruperlu. Ekkert lát er á metnaði fyrirtækisins því ráðgert er að opna nýtt upplifunarsvæði, lúxushótel og veitingastað við lónið í haust.

Grímur hefur um árabil verið einn launahæsti forstjóri landsins og engin breyting varð á því í ár.