Brasilíski áhrifavaldurinn Bárbara Jankavski, betur þekkt sem „hin mennska Barbie“ er látin, aðeins 31 árs að aldri.

Ástæðan fyrir því að hún var kölluð „Barbie“ var vegna fjölda fegrunaraðgerða sem hún gekkst undir til að líkjast frægu dúkkunni. Hún sagðist hafa farið í um 27 aðgerðir, þar á meðal andlitslyftingu sumarið 2025.

Hún naut mikilla vinsælda á samfélagsmiðlum.

Bárbara fannst látin þann 2. nóvember heima hjá sér í Sao Paulo í Brasilíu.

Málið þykir grunsamlegt og er lögreglan að rannsaka hvort eitthvað saknæmt hafi átt sér stað. Samkvæmt lögregluskýrslu réði lögmaðurinn Renato Campos Pinto de Vitto, 51 árs, hana til „kynferðislegrar þjónustu“ umrætt kvöld. Hann gekkst við því í skýrslutöku og sagði þau hafa neytt ólöglegra vímuefna. Þegar Barbara fannst látin var hún aðeins í nærfötum og með áverka á vinstri auga, en vinur lögmannsins sagði þetta vera eftir fall.

Málið er til rannsóknar og beðið er eftir niðurstöðum krufningar.