Hjúkrunardeildin Ljósheimar gaf frá sér skemmtilega tilkynningu í síðustu viku. Þar segir:

„Undanfarin ár hefur hjúkrunardeildin Ljósheimar [á Selfossi] notið góðs af því að einn starfsmaður á deildinni er með búskap.

Á vorin hefur þessi tiltekni starfsmaður komið með annað hvort lamb eða kiðling í heimsókn. Í dag kom hún með lítinn, tæplega viku gamlan, kiðling og vakti heimsóknin að vonum mikla hamingju meðal heimilismanna.

Kiðlingurinn sýndi sínar bestu hliðar á meðan heimsóknin stóð yfir og svaf í fanginu á öllum þeim sem héldu á honum.“

Kiðlingurinn bræddi hjörtu alla heimilismanna eins og sjá má á meðfylgjandi myndum, sem Ljósheimar birtu með tilkynningu sinni. Svo virðist sem kiðlingurinn sjálfur hafi notið þess til hins ítrasta að kúra í fangi fólksins. Af myndunum að dæma sýndi hann að minnsta kosti ekki á sér neitt fararsnið, heldur var sem spakastur.