„Nú er ég í leiðinda erindagjörðum. Og ætla að kyngja stoltinu.“. Á þessum orðum hefst pistill eftir kraftlyftingarmanninn og Íslandsmeistarann Rúnar Geirmundsson sem er á leiðinni í keppnisferð til Las Vegas.

Þar verður Rúnar meðal keppenda á heimsmeistaramóti í kraftlyftingum þar sem hann keppir fyrir hönd Íslands.
´
Rúnar vill með færslunni biðja fólk um frjáls framlög. Rúnar keppir erlendis að meðaltali tvisvar til þrisvar sinnum á ári.

„Hver ferð kostar mann um 200 til 350 þúsund. Þetta sport er ekki niðurgreitt af neinum, og erfitt að sækja hjálp. Er með gott fólk sem hjálpar mér og var ráðlagt að biðja um ykkar hjálp til að byrja með,“

segir Rúnar og bætir við:

„Þeir sem vilja hjálpa mér, og eru svo yndislegir. Þá væri það frábært, og yrði ég ykkur ævinlega þakklátur og reyni mitt besta í að gefa til baka, og lofa að halda áfram að vera góð fyrirmynd.“

Að lokum segir Rúnar: „Þið megið líka hjálpa mér að deila ef þið viljið“

Bankaupplýsingar Rúnars eru 0321-26-8191 og kennitala 131091-2309