Myndir af hrottalegum ofnæmisviðbrögðum 20 mánaða stúlku vöktu upp spurningar
Barnaverndaryfirvöld rannsaka nú heimilisaðstæður ungrar stúlku en foreldrar hennar eru grunaðir um vanrækslu eftir að móðirin setti myndir af hrottalegum ofnæmisviðbrögðum barnsins á Facebook.
Barnavernd fékk veður af málinu eftir nafnlausa ábendingu en samkvæmt móður stúlkunnar, Danielle Reid, þá er hún orðin úrkula vonar um að dóttir hennar, Tamzyn, fái viðeigandi aðstoð.
Þrátt fyrir að vera aðeins 20 mánaða hefur Tamzyn verið lögð inn á spítala 12 sinnum vegna ofnæmisviðbragða. Hún hefur verið veik frá því að hún fæddist en foreldrum hennar grunar að eitthvað meirai liggi að baki heldur en margslungið fæðuóþol.
Fjölskyldan býr í Cambridge á Bretlandi en draumurinn er að koma Tamzyn undir læknishendur í Bandaríkjunum og koma henni í meðferð þar.
Því opnaði hún á málið á Facebook en samhliða því setti Danielle á fót söfnunarreikning í gegnum síðuna Go Fund Me. Þr óskar hún óskar eftir framlögum í þeim tilgangi að safna peningum svo dóttir hennar komist til sérfræðings.
„Tamzyn verður oft mjög veik. Hún bólgnar öll upp og stundum verður líkamsparturinn sem hún er bólginn á þá stunda tvöfaldur. Þetta er ótrúlega erfitt og viðamikið. Tamzyn finnur fyrir gríðarlegum óþægindum og sársauka en læknar vita enn ekkert hvað nákvæmleg amar að henni.“
Danielle segir að henni hafi brugðið mikið þegar barnavernd hafði samband. „Ég hef ekki gert neitt rangt. Ég elska þetta barn meira en allt og er að reyna að gera allt til að hjálpa henni.“