Ólafur Ragnar Grímsson, fyrrverandi forseti Íslands, og Dorrit Moussaieff eru að skilja eftir 23 ára hjónaband. Vísir greinir frá þessu og samkvæmt heimildum þeirra hefur ferlið verið í gangi undanfarna mánuði og sér nú fyrir endann á því.
Ólafur Ragnar og Dorrit gengu í hjónaband á sextugsafmæli Ólafs Ragnars í maí 2003. Hún naut mikillar hylli þjóðarinnar og var almenn hrifning þegar hún og Ólafur fóru að hittast skömmu fyrir aldamót.
Ólafur Ragnar og Dorrit hafa búið í Mosfellsbæ frá því að forsetatíð hans lauk, hefur hún þó haft annan fótinn í Lundúnum. Ólafur og Dorrit voru síðast opinberlega saman nú í júlí á minningarhátíð með furstanum af Mónakó.
Dorrit var forsetafrú í 13 ár og átti mörg augnablik sem snertu þjóðina, allt frá því að tendra á jólatréinu í Kringlunni yfir í að vera verndari Dags barnsins. Eitt eftirminnilegasta augnablikið kom þó á Ólympíuleikunum 2008 þegar hún sagði hina fleygu setningu: „Ísland er ekki lítið land, það er stórasta land í heimi.“
