Í þættinum fór hann um víðan völl og ræddi meðal annars um samband hans og eiginkonu hans, Guðrúnar Óskar Maríasdóttur, matvælafræðings.
Í kjölfarið hefur hún fengið fjölda skilaboða frá karlmönnum sem vilja ólmir hitta hana.
Árni og Guðrún hafa verið saman í fimmtán ár og eiga þrjú börn. Í viðtalinu sagði hann frá því að síðasta sumar ákváðu þau að breyta sambandinu og opna fyrir náttúrulegar tengingar við aðra einstaklinga utan þess.
Sjá einnig: Árni og Guðrún setja ekki merkimiða á sambandsformið – „Opin fyrir náttúrulegum tengingum ef þær koma“
„Sjúklega áhugavert að sjá viðbrögðin við podcastinu og sérstaklega hvernig mismunur kynjanna kemur bersýnilega í ljós,“ sagði Árni.
„Ég upplifi að konur hlusti á þetta og hugsi með sér: „Vá hvað Guðrún og Árni eru á fallegri vegferð, flott hjá þeim.“ Meðan gaurar hlusta á þetta og hugsa: „Já ókei, Guðrún er up for grabs, best að senda henni skilaboð og athuga hvort hún sé til í kjéllinn.“
Random gúbbar að senda henni skilaboð.. Hvað er að karlmönnum? Plís hafðu eitthvað smá fram á að færa ef þú ætlar að reyna við konuna mína.“
Árni birti þetta í Story á Instagram og í samtali við DV um málið sagði hann að þetta virðist vera mjög algengt.
„Ég hef rætt við karlmenn sem eru í opnum samböndum um þetta og hvað það er mikið ójafnvægi, það rignir yfir konuna skilaboðum og vinabeiðnum, gaurar einhvern vegin svífast einskis meðan konur eru allt öðruvísi. Þetta er rosalega áhugaverð dýnamík sem enginn spáir í nema að hafa prófað að vera í opnu sambandi,“ segir hann.
Eins og fyrr segir fór Árni um víðan völl í viðtalinu og ræddi einnig um samfélagsmiðla, en hjónin hafa verið að vekja mikla athygli á Instagram, en þau sýna gjarnan það sem aðrir eru ekki vanir að sjá, sem á það til að stuða fólk.
