Sjá einnig: Sunneva gerði snarlið sem ofurfyrirsæturnar elska
Það var raunveruleikastjarnan Bethenny Frankel sem gerði umrædda uppskrift fræga á miðlinum. En það eina sem þarf er tómatur, kotasæla, dijon sinnep og kjúklingabringuálegg og smá krydd. Ragnhildur bendir á að snarlið „inniheldur aðeins örfáar hitaeiningar og nánast enga almennilega næringu.“
@sunnevaeinarsnei þið verðið að smakka 🍅♬ original sound – Sunneva Einars 🌸
„Getum við plís og por favor hætt að dásama að borða alltof lítið og ekki næra okkur nóg. Með því að borða undir grunnþörf sendum við skilaboð til sjálfsins um að við eigum ekki skilið að vera vel nærð og full af orku,“ skrifar hún í pistli á Facebook.
„Þegar við höngum á hungurriminni verður ekki bara líkaminn miður sín. Við erum líka að svekkja sálina. Við erum að kremja sjálfstraustið.
Hungrið knýr okkur óhjákvæmilega oft til að stinga sér á bólakaf í einföld kolvetni eftir slíka kúra sem hefur í för með sér skömm, samviskubit og sektarkennd.
Lágar hitaeiningar keyra upp kortisól og streitu sem stuðlar að pervertískum löngunum í sykur og slikk.
Hátt kortisól og lágar hitaeiningar hafa líka áhrif á svefngæðin sem síðan hefur áhrif á skapið, hormóna og frammistöðu í vinnu og á æfingum.“
Ragnhildur segir að við þurfum kolvetni, prótín og fitu alla daga. „Þú þarft hitaeiningar alla daga til að fúnkera í öllum hlutverkum… sem foreldri, maki, starfsmaður, vinur, systkini,“ segir hún.
„Þú þarft nóg af hitaeiningum til að halda líffærum starfandi, byggja húð, hár, neglur, halda hormónum hamingjusömum og gera við vöðva.“
Hún hvetur lesendur til að borða prótín, lyfta lóðum, borða flókin kolvetni, drekka vatn, ganga daglega og sofa vel.
„Vertu uppreisnarseggur á móti öllum TikTokkurunum sem básúna svelti, svengd, svekkelsi sem treður niður alla sjálfsvirðingu.“
