Atli Örvarsson kvikmyndatónskáld er tilnefndur til Emmy-sjónvarpsverðlauna fyrir tónlistina í þáttaröðinni Silo sem sýnd er á Apple TV.
Hátíðin fer fram í 76. sinn þann 15. september í Peacock Theater í Los Angeles. Tilkynnt var um tilnefningarnar fyrr í dag.
Akureyri.net greindi fyrst frá.
Atli er tilnefndur fyrir frumsamda tónlist, eða framúrskarandi tónverk fyrir þáttaröð (e. Outstanding Music Composition For A Series (Original Dramatic Score).).
Þann 28. apríl hlaut hann BAFTA-verðlaun fyrir tónlistina.
Í flokknum eru eftirfarandi tilnefningar:
Martin Phipps – The Crown – Sleep, Dearie Sleep
David Fleming – Mr. & Mrs. Smith – First Date
Siddhartha Khosla – Only Murders In The Building
Jeff Toyne – Palm Royale – Maxine Saves A Cat
Atticus Ross, Leopold Ross og Nick Chuba – Shōgun – Servants Of Two Masters
Atli Örvarsson – Silo – Freedom Day
Daniel Pemberton og Toydrum – Slow Horses – Strange Games
