Nadine Guðrún Yaghi, samskiptastjóri Play, er ekkert sérstaklega ánægð með eiginmann sinn, ritstjórann Snorra Másson. Í óborganlegu Tiktok-myndbandi, sem sjá má hér fyrir neðan, greinir Nadine frá því að hún hafi séð brot úr nýjum þætti Snorra, sem birtist bráðlega á miðli hans ritstjórinn.is, og rekið í rogastans. Þátturinn fjallar um stjörnumerki og þar talar Snorri um að Nadine sé fædd 14. mars og sé því hrútur. Nadine er hins vegar fædd í janúar og er steingeit.
Sjálfur er Snorri naut og þar telur Nadine að hundurinn sé grafinn. ,,Ég held að það hljóti að vera að naut séu frekar heimsk,“ segir Nadine í myndbandinu.
Hjónin gengu í það heilaga um miðjan júní síðastliðinn í glæsilegu brúðkaupi á Siglufirði.
@nadinegudrunEru naut heimska stjörnumerkið?♬ original sound – Nadine Guðrún Yaghi
