Phillips, 23 ára, hefur lýst því yfir að hún ætli að slá heimsmet og stunda kynlíf með þúsund karlmönnum á einum sólarhring á nýju ári og segist vera að æfa stíft fyrir stóra daginn.
Það er erfiðara en hún hélt. Phillips var umfjöllunarefni heimildarmyndar Josh Pieters sem fór í loftið á YouTube fyrr í vikunni.
Í myndinni er fylgt Phillips daginn sem hún svaf hjá hundrað karlmönnum. Hún bauð hundrað aðdáendum að koma og stunda kynlíf með henni. Hver karlmaður fékk um tvær til fimm mínútur með henni.
Eftir að verkinu var lokið sagði Phillips að þetta hafi verið erfiðara en hún hélt og væri alls ekki „fyrir veikgeðja“ að framkvæma. Hún sýnir herbergið sem hún var í á meðan þessu stóð og ræðir þetta nánar í spilaranum hér að ofan á mínútu 40:48.
„Ef ég á að vera alveg hreinskilin þá var þetta erfitt. Ég veit ekki hvort ég myndi mæla með þessu,“ sagði hún og afsakaði sig í annað herbergi til að gráta.
„Það er erfitt að eiga samskipti við þá alla,“ sagði hún tárvot. Hún sagðist finna fyrir stöðugri pressu að passa að hver karlmaður myndi fá fullnægingu og skemmta sér vel.
Hún sagði suma karlmenn hafa reynt að láta hana fá sektarkennd svo hún myndi eyða meiri tíma með þeim.
„Þetta er ekkert eins og venjulegt kynlíf. Þetta lætur mér líða svo illa,“ sagði Phillips.
Heimildarmyndin hefur vakið mikla athygli og fengið yfir 1,2 milljónir áhorfa. Sumir segja að þetta sé besta klámforvarnarmynd sem þeir hafa séð.
Sjá einnig: Klámstjörnur í hár saman – Lét hana heyra það
