Kristbjörg hefur verið gift landsliðsmanninum Aroni Einari Gunnarssyni síðan 17. júní árið 2017. Þau eiga saman þrjá syni. Fjölskyldan hefur verið búsett í Katar frá árinu 2019.
Undanfarið hálft ár hefur verið nóg að gera hjá þeim, en samningur Arons Einars með félaginu Al Arabi rann út í byrjun sumars og um tíma var óvíst hvað væri í vændum hjá fjölskyldunni.
Sjá einnig: Kristbjörg opnar sig – „Ef ég á að vera hreinskilin þá mislíkar mér óvissan“
„Við stóðum á krossgötum, við vissum ekki hvar við myndum búa, um vinnuna mína og við vissum ekki í hvaða skóla við myndum skrá drengina. Sem mér fannst vera erfiðast fyrir strákana, ég trúi að stöðugleiki sé lykillinn. Strákarnir byrjuðu í skóla á Íslandi og þurftu að aðlagast mörgu. Ég get ekki lýst því hversu stolt ég er af þeim,“ sagði Kristbjörg í október þegar allt var komið á hreint.
Kristbjörg viðurkennir að hún hefur ekki verið eins virk á samfélagsmiðlum og venjulega. „En lífið hefur verið frekar erilsamt með öllum þessum breytingum og við að koma mér aftur í rútínu,“ segir hún.
„Ég er á þeim stað í lífinu að ég er að reyna að skapa góðar venjur og koma mér í rútínu þar sem ég er ekki að setja sjálfa mig aftast á forgangslistann.“
Kristbjörg segist vita að hún sé ekki sú eina sem líður svona. „Ég veit að margir eiga erfitt eða hafa stundum átt erfitt með það sama, þannig ég vildi deila mínum hugsunum með ykkur,“ segir hún.
„Það getur gerst fyrir alla að detta úr rútínu og það er fullkomlega eðlilegt. Það sem skiptir máli er að þú sért tilbúin að halda áfram. Árangur snýst ekki um að vera fullkomin, heldur um að mæta aftur og aftur, jafnvel eftir bakslag. Slepptu taki af samviskubitinu og mundu af hverju þú hófst þetta ferðalag til að byrja með. Hvert skref, sama hversu lítið, færir þig nær markmiði þínu.
Byrjaðu á því sem þú getur gert í dag og treystu því að þetta skilar sér allt að lokum. Þú hefur gert þetta áður og getur gert þetta aftur. Þetta er þitt ferðalag og því er ekki lokið!“
View this post on Instagram
