Stangarstökkvaranum Anthony Ammirati hefur verið boðinn samningur við klámmyndafyrirtæki. Eins og frægt er orðið kom getnaðarlimur hans í veg fyrir að hann kæmist yfir ránna á ólympíuleikunum.

TMZ greinir frá þessu.

Það er klámmyndafyrirtækið CamSoda sem hefur boðið hinum franska stangarstökkvara samninginn. Upphæðin er 250 þúsund dollarar, eða tæplega 35 milljónir króna. CamSoda býður notendum sínum upp á að fylgjast með fyrirsætum í beinu streymi.

Ammirati, sem er 21 árs gamall og fyrrverandi unglinga heims- og Evrópumeistari, reyndi við 5,7 metra í stangarstökkskeppninni á laugardag. Eins og sést í hægri endursýningu á stökkinu var það getnaðarlimur hans sem rakst í ránna með þeim afleiðingum af hún féll og Ammirati náði ekki takmarkinu.

Hefur myndbandið farið eins og eldur í sinu um netheima og margir hent gaman að atvikinu, flestir góðlátlegu.

Ammirati hafnaði í tólfta sæti og sagðist hafa verið í mjög jákvæður fyrir mótinu. Hann hafi verið tiltölulega óþekktur og hafi keppt án nokkurs stress.

„Ég myndi verðlauna hann fyrir það sem allir sáu, hæfileikana neðan beltis,“ sagði Daryn Parker, varaforseti CamSoda. „Sem aðdáandi klofmiðaðra athafna myndi ég bjóða honum 250 þúsund dollara fyrir 60 mínútna vefmyndavélasýningar þar sem hann sýnir stellið, án rárinnar vitaskuld.“