Myndband leigjanda Airbnb-íbúðar sem hlaðin var af hinum ýmsu reglum fyrir leigutaka hefur vakið mikla athygli á TikTok, en rúmlega 4,6 milljón áhorf eru á myndbandið á tæpum tveimur vikum.
Becky Navarro, 40 ára, leigði sex herbergja eign í Wimberley, Texas, fyrir eina helgi í maí fyrir fjölskyldu sína og vini. Þegar hópurinn mætti á staðinn beið fjöldi reglna þeirra, límdar á borð, skápa, veggi og víðar.
„Við höfðum enga hugmynd um reglurnar fyrr en við mættum,“ sagði Navarro í samtali við New York Post, og segir hún að engar reglur eða leiðbeiningar hafi verið á vefsíðu eignarinnar á Airbnb. Leigan fyrir hverja nótt hafi verið 2000 dalir (263.000 krónur)
Navarro segir að allar þessar fáránlegu reglur hafi dregið úr gleðinni sem átti að fylgja fríhelginni.
„Eru takmörk fyrir því hversu margar reglur má hengja upp í Airbnb?“ spyr hún í myndbandinu sem hún deildi á TikTok. Og þó myndbandið sé ekki langt má sjá að reglurnar eru ansi margar og flestar frekar kjánalegar. „Við gistum í airbnb húsi með annarri fjölskyldu um helgina. Reglurnar sem hengdar voru upp um allt húsið gjörsamlega drápu stemninguna.“
@beckypearlatx Y’all I dont get it 🤯 We stayed at an airbnb / vrbo house with another family over the weekend. The rules displayed all over the house just killed me. It seemed like every room and every surface had a note. It almost felt like it wasn’t a vacation with So. Many. Rules. #airbnb #vrbo #summervacation ♬ original sound – Becky Levin Navarro
Leiðbeiningar eins og hvernig á að nota örbylgjuofninn og hvar hreinsiefnin eru geymd eru eðlilegar, en aðrar setja spurningarmerki við af hverju eignin var yfirhöfuð sett í útleigu eða hvort að hefði ekki verið best að fjarlægja húsgögn og skrautmuni úr íbúðinni fyrir útleigu.
„Skrautmunur, alls ekki snerta eða hreyfa af neinni ástæðu. Ég er 10.000 ára mun brita ef þú horfir á mig skakkt,“ stendur á viðarskilrúmi í einu svefnherbergjanna.
„Það virtist sem hvert herbergi og hver flötur væri með miða á. Þetta var ekki neitt frí með allar þessar reglur, svo margar reglur,“ sagði Navarro.
„Amma átti þetta borð, vinsamlega farið vel með það og notið glasa/diskamottu.“
„Viðkvæm antík. Vinsamlega ekki reyna að opna eða toga í húnana.“
Rúmlega 9000 athugasemdir eru við myndbandið og eru flestir á því að þetta sé of mikið af reglum.
„Leigusalinn hefði getað útbúið gestabók og sett húsreglurnar í hana, merkimiðar og skilti um allt hús er bara hallærislegt.“
„Er að tengja, lenti í sams konar atviki, bara á annarri eign. Fjöldi reglna gerði mig brjálaða.“
„Þurftir þú að sofa á gólfinu eða máttir þú koma við dýnuna?“
Einhverjir skildu þó sjónarmið leigusala. „Ég er kannski í minnihluta, en mér finnst þetta góð leið til að vita að hlutirnir séu hreinir og þeim haldið í góðu ástandi.“
