Hún sagði ekki nafn mannsins en gaf ýmsar vísbendingar sem netverjar hafa notað til að reyna að fletta ofan af manninum.
Það eru nokkrir sem koma til greina samkvæmt rannsóknaróðum netverjum. Sá sem er í fararbroddi þeirra grunuðu er Mark Wahlberg. Page Six greinir frá.
Sjá einnig: Átti í leynilegu ástarsambandi við heimsþekkta kvikmyndastjörnu
Jessica skrifaði pistil um leynilegt ástarsamband þeirra og sagði að myndarleg og dularfull kvikmyndastjarna hafi „afklætt mig með augunum“ á MTV-verðlaunahátíðinni árið 2001.
Hún sagði einnig að kvikmyndastjarnan hafi verið í gallabuxum og stuttermabol, en eins og sjá má á myndinni hér að neðan klæddist Mark einmitt því.
Leikarinn var einnig orðinn mjög frægur árið 2001 en Jessica sagði að hún hafi verið skotin í kvikmyndastjörnunni þegar hún var unglingur.
Mark Wahlberg, einu sinni þekktur sem Marky Mark, rappaði með Funky Bunch og sat ber að ofan með Kate Moss fyrir mjög fræga herferð Calvin Klein árið 1992.
Það er fleira sem bendir til þess að umræddur leikari sé Mark Wahlberg.
Jessica sagði að hún hafi hitt hann aftur árið 2006 á hóteli í Beverly Hills þar sem hann hafi verið að undirbúa sig fyrir stóra verðlaunahátíð.
„Hann var að senda mér skilaboð alla hátíðina. Stuttu seinna sá ég mynd af honum á rauða dreglinum með henni. Ég ætlaði aldrei að vera hin konan,“ sagði Jessica.
Mark mætti á Golden Globes hátíðina árið 2006 ásamt óléttri kærustu sinni – og núverandi eiginkonu – Rheu Durham.
Jessica sagði að kvikmyndastjarnan hafi sannfært hana um að sambandi hans væri lokið og þess vegna hélt hún áfram að hitta hann.
Hún ákvað að enda sambandið þegar hún komst að því að hann væri enn í sambandi og henni var farið að líða eins og hún væri fylgdarkona sem væri bara þarna til að stunda kynlíf með honum.
En þetta eru bara getgátur netverja og hvorki Jessica né Mark hafa tjáð sig frekar um málið.
