Söng- og leikkonan Jessica Simpson segir að táningsdraumur hennar hafi ræst þegar hún byrjaði að slá sér upp með „heimsþekktri kvikmyndastjörnu“ en var niðurbrotin þegar hún komst að því að hann væri giftur.

Söngkonan opnar sig um samband þeirra, sem hún segir að hafi verið kynþokkafullt og niðrandi í senn í pistli fyrir „Movie Star: They Always Say They‘re Single“.

Jessica var áður með Nick Lachey en á þessum tíma voru þau í pásu. Hún segir að myndarleg og dularfull kvikmyndastjarna hafi „afklætt mig með augunum“ á MTV-verðlaunahátíðinni árið 2001.

Söngkonan og leikarinn skiptust á símanúmerum en hún hringdi aldrei í hann þar sem hún og Nick Lachey byrjuðu aftur saman.

Þegar þau skildu árið 2006 hitti hún dularfullu kvikmyndastjörnuna aftur og deildu þau kossi á hóteli í Beverly Hills.

Hún segir að kossinn hafi verið rafmagnaður og að maðurinn hafi sagt við hana að sambandi hans og kærustu hans væri lokið.

Við tók tímabil þar sem þau voru að slá sér upp saman, fóru saman á skemmtistaði, kíktu í heimsókn til sameiginlegra vina og vörðu tíma saman á tökustað.

En með tímanum fór Jessicu að finnast hún vera „eins og fylgdarkona“ sem var þarna aðeins til að stunda kynlíf með stjörnunni.

Hún áttaði sig á stöðu mála þegar hún fór að hitta hann á hóteli. Hún fór inn um sérstakan inngang og gekk upp brunastigann. Hún fattaði að ástæðan fyrir því að hann væri að láta hana fara þessa leið var til að fela hana fyrir kærustu hans.

Jessica batt enda á sambandið. „Mér var sama þó hann hafi verið draumur minn þegar ég var táningur. Þetta var ekki ákvörðun sem unga Jessica hefði verið stolt af.“

Ekki er vitað um hvaða kvikmyndastjörnu Jessica er að ræða. Hún hefur verið gift NFL-kappanum Eric Johnson síðan 2014. Þau eiga saman dæturnar Maxwell, 10 ára, og Birdie, 3 ára, og soninn Ace, 9 ára.