Það er eitthvað svo ótrúlega heimilislegt við smá bóhemskan innanhússtíl og það má glöggt sjá á fallegri íbúð sem nýlega kom til sölu í Hrísateig í Reykjavík. Ekki bara er eignin frábærlega staðsett heldur fylgir henni bílskúr sem hefur verið útbúinn sem tvær leigueiningar ættu að geta staðið undir afborgunum á lánum og jafnvel gott betur.
Í auglýsingu með eigninni segir að hún sé frábært fjárfestingatækifæri og að hægt sé að leigja út allar 3 einingar fasteignarinnar út á í kringum hálfa milljón á mánuði eða að leigja stúdíóíbúðirnar í bílskúrnum út á í kringum 300 þúsund á mánuði.
Íbúðin sjálf er skráð 94,7 fermetrar og bílskúrinn 40,3 fermetrar. Í bílskúr voru útbúnar tvær stúdíó-íbúðir árið 2021 en í báðum þeirra er alrými, eldhúskrókur og baðherbergi.
Fyrirhugað fasteignamat næsta árs er 51,4 milljónir en ásett verð er 71,9 milljón.
Íbúðin var standsett árið 2021 af fyrrum eiganda. og garður er sameiginlegur með palli sem er í sameiginlegri notkun.
Nánar má lesa um eignina á fasteignavef DV
