fbpx
Föstudagur 04.júlí 2025
Fókus

Kim Kardashian sögð hafa eyðilagt kjólinn – Sjáðu myndirnar

Guðrún Ósk Guðjónsdóttir
Þriðjudaginn 14. júní 2022 10:13

Ekki missa af Helstu tíðindum dagsins í pósthólfið þitt

Lesa nánar

Það er óhætt að segja að ákvörðun raunveruleikastjörnunnar um að klæðast kjól Marilyn Monroe hafi skipt fólki í fylkingar.

Kim klæddist goðsagnakenndum kjól Marilyn Monroe á Met Gala í byrjun maí, sama kjól og leikkonan klæddist þegar hún söng afmælissönginn fyrir John F. Kennedy, þáverandi forseta Bandaríkjanna, árið 1962.

Mörgum þótti þetta hið besta mál en aðrir gagnrýndu hana harðlega. Hún hefur verið gagnrýnd bæði fyrir að hafa farið í stranga megrun og misst sjö kíló til að passa í kjólinn, en einnig fyrir að hafa klæðst honum yfir höfuð.

Hönnuður kjólsins, Bob Mackie, fór hörðum orðum um kjólaval Kim og sagði að það hefðu verið stór mistök að leyfa henni að klæðast honum.

Myndin til vinstri var tekin árið 2016, en myndin til hægri er sögð hafa verið tekin eftir Met Gala.

„Ég ber mikla virðingu fyrir kjólnum og hvað hann merkir fyrir bandaríska sögu. Ég myndi aldrei vilja sitja í honum eða borða í honum eða taka einhverja áhættu að skemma hann og ég mun ekki nota farða á líkamann, eins og ég geri venjulega,“ sagði Kim við Vogue fyrir Met Gala kvöldið.

Hún var ekki lengi í kjólnum heldur gekk hún rauða dregilinn í honum og var síðan með sérstaka skiptiaðstöðu við hinn endann þar sem hún gat skipt yfir í annan kjól.

En það virðist sem svo að það hafi verið nóg til að eyðileggja kjólinn.

Í gær birti vefmiðillinn Pop Crave tvær myndir hlið við hlið. Báðar myndirnar voru teknar á Ripley‘s Believe it or Not! safninu, þar sem hann er geymdur, en myndin til vinstri er fyrir Met Gala og myndin til hægri á að hafa verið tekin eftir að Kim klæddist kjólnum.

Netverjar voru æfir vegna málsins og höfðu nóg um það að segja á Twitter.

Hvorki Kim né safnið hafa tjáð sig um málið.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fókus
Í gær

Sjaldséð sjón: Goðsögn frá sjöunda áratugnum mætti á rauða dregilinn

Sjaldséð sjón: Goðsögn frá sjöunda áratugnum mætti á rauða dregilinn
Fókus
Í gær

Aðdáendur agndofa eftir að leikkonan birti mynd af sér með ketti sínum – „Þetta er ekki í lagi“

Aðdáendur agndofa eftir að leikkonan birti mynd af sér með ketti sínum – „Þetta er ekki í lagi“
Fókus
Fyrir 3 dögum

Klæddist svörtum litlum kjól á 76 ára afmælisdaginn

Klæddist svörtum litlum kjól á 76 ára afmælisdaginn
Fókus
Fyrir 3 dögum

Arnmundur Ernst um móðurmissinn: „Það vissu allir hvað við vorum að ganga í gegnum“

Arnmundur Ernst um móðurmissinn: „Það vissu allir hvað við vorum að ganga í gegnum“
Fókus
Fyrir 3 dögum

Guðrún og Árni ræða um nekt og svara vinsælli spurningu: „Hvað ef ég fæ bóner?“

Guðrún og Árni ræða um nekt og svara vinsælli spurningu: „Hvað ef ég fæ bóner?“
Fókus
Fyrir 3 dögum

Vikan á Instagram – Ber að ofan í „Sexico“

Vikan á Instagram – Ber að ofan í „Sexico“