fbpx
Föstudagur 24.september 2021
Fókus

Fjögur tonn af landreknu rusli

Fókus
Þriðjudaginn 14. september 2021 17:58

Mynd: Sofi Bang

Ekki missa af Helstu tíðindum dagsins í pósthólfið þitt

Lesa nánar

Sjálfboðaliðasamtökin Ocean Missions, sem gera starfsemi sína út frá Húsavík, skipulögðu tveggja daga markvissa hreinsun á fjörum Langaness, rétt norðan Þórshafnar. Samtökin höfðu frumkvæði af verkefninu og leituðu samstarfs við sveitafélagið Langanesbyggð en í kjölfarið tókst þeim að safna 20 sjálfboðaliðum eftir að hafa leitað samstarfs hjá öðrum sjálfboðaliðasamtökum. Markmiðið var fara um sem mest af strandlengju Langaness og fjarlægja allt rusl sem hefði rekið á fjörur þess með það að markmiði að setja gott fordæmi auk þess að vekja athygli á og hvetja almenning til aðgerða gegn mengun hafins.

Sjálfboðaliðum bauðst fæði og gisting í boði sveitafélagsins auk þess sem fulltrúar þess aðstoðu við skipulagningu verkefninsins hvað staðhætti og leyfi landeigenda fyrir umferð um land þeirra varðaði.

  • “ Ég trúi varla hversu mikið rusl er á þessum afskekkta stað!”
  • ,, Þetta virðist vera endalaust”
  • “Þau beygja sig niður í öðru hverju skrefi”
  • “ Þetta er frekar niðurdrepandi!”

(Ummæli sjálfboðaliða verkefninsins)

 Ávinningur verkefnisins var sá að um 4 tonn söfnuðust á tæpum 2 km strandlengjunnar. Strandlengja Langaness spannar um það bil 140 km og á leið út nesið má viða sjá rusl. Það sem safnaðist saman stóð mestmegnis af veiðarfærum, baujum og plast- ílátum og búnaði af ýmsu tagi.

Mynd: Sofi Bang

Á heimsvísu er talið að um 640.000 tonn af veiðarfærum úr sjávariðnaði end í hafinu. Slík magn samsvarar 55000 tveggja hæða rútum og úrgangur af þessu tagi er mikil ógn við lífríki sjávar (Greenpeace annual report, 2019).

Að sögn Tómasar Knútssonar sem oftast er kenndur við Bláa herinn er að jafnaði um það bil tonn á hvern kílómeter hreinsaðan, en Blái herinn birtist fyrir tilviljun á svæðinu og ákvað að leggja verkefninu lið. Hann mat það sem svo að kostnaður af hreinsunarstarfi sem þessu hefði kostað um 1 milljón króna á tonnið stæðu íslensk yfirvöld að því.

Sem stefndur er Umhverfis- og auðlindaráðuneytið að þróa aðgerðaáætlun sem miðar að því að fylgjast betur með plastmengun í hafinu og hreinsa strandlengjuna hringinn í kringum landið. Það er ósk Ocean Missions að leitað verði samstarfs við þau og önnur samtök sem vinna að sömu markmiðum.

Reglulegar hreinsanir eru fyrsta skrefið í að halda fjörum landsins hreinum og að sama skapi er afar mikilvægt að íslensk yfirvöld móti sér betri stefnu hvað afdrif þessa úrgangs varðar þar sem urðun er er ekki ákjósanlegur kostur fyrir hráefni sem mætti endurvinna.

Kjarni samtakanna Ocean Missions samanstendur af fagfólki í hafrannsóknum og því var markmið hreinunarinnar ekki einungis að fjarlægja það sem rekið hefði á fjörur og leggja málefninu lið á þann hátt heldur líka að safna gögnum um plastmengun við strendur landsins. Notast var við staðla sem flokkuðu úrgangin niður í ákveðna þætti og mátu umfang þess og magn.

Hvað er Ocean Missions?

Mynd: Ása Steinarsdóttir

Fræðsla, verndun og rannsóknir á hafssvæðum við norður heimskautssbaug

Umhverfissamtökin Ocean Missions eru sjálfboðaliðasamtök sem stofnuð voru árið 2019 og gera út frá Húsavík í Norðurþingi. Markmið samtakanna frá stofnun þeirra hafa verið að vekja almenning til umhugsunar um þær hættur sem steðja af hafsvæðunum okkar og jafnframt hvetja einstaklinga til að leggja sitt á vogarskálarnar í baráttunni við verndun hafsvæða og þess lífríkis sem þar þrífst. Að mati stofnenda samtakanna er brýn þörf á aukinni verndun viðkvæmra hafssvæða í nágrenni Íslands og jafnframt þurfi að auka veg sjálfbærrar ferðamennsku við íslandsstrendur.

https://oceanmissions.org

Heimildir:

Greenpeace 2019: : https://www.greenpeace.org/static/planet4-aotearoa-stateless/2019/11/b97726c9-ghost_fishing_gear_report_en_single-page_051119.pdf

AMAP report 2021: (PDF) LITTER AND MICROPLASTICS MONITORING GUIDELINES ARCTIC MONITORING & ASSESSMENT PROGRAMME version 1.0 AMAP (researchgate.net)

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fókus
Í gær

Ætlaði að blása á afmæliskertin en kveikti óvart í sér – Myndband

Ætlaði að blása á afmæliskertin en kveikti óvart í sér – Myndband
Fókus
Í gær

Myrkradrottningin kemur út úr skápnum – „Þarna á dyrakarminum stóð þjálfarinn minn“

Myrkradrottningin kemur út úr skápnum – „Þarna á dyrakarminum stóð þjálfarinn minn“
Fókus
Fyrir 2 dögum

Afhjúpar dökku hliðar fyrirsætubransans – Átti að nota kókaín og kynlíf til að grennast

Afhjúpar dökku hliðar fyrirsætubransans – Átti að nota kókaín og kynlíf til að grennast
Fókus
Fyrir 2 dögum

Áhrifavaldur handtekinn fyrir að stunda sjálfsfróun í beinu streymi – Gæti þurft að sitja inni í 12 ár

Áhrifavaldur handtekinn fyrir að stunda sjálfsfróun í beinu streymi – Gæti þurft að sitja inni í 12 ár
Fókus
Fyrir 3 dögum

Myndband af „epískri“ uppsögn vekur athygli – Lét yfirmenn heyra það

Myndband af „epískri“ uppsögn vekur athygli – Lét yfirmenn heyra það
Fókus
Fyrir 3 dögum

„Ef kærastinn neitar að gera þetta í svefnherberginu, hættu með honum“

„Ef kærastinn neitar að gera þetta í svefnherberginu, hættu með honum“
Fókus
Fyrir 4 dögum

Skildi ekkert eftir fyrir ímyndunaraflið í djarfasta kjól sem við höfum séð

Skildi ekkert eftir fyrir ímyndunaraflið í djarfasta kjól sem við höfum séð
Fókus
Fyrir 4 dögum

Vikan á Instagram – „Seinasta myndin er gjöf mín til mannkynsins“

Vikan á Instagram – „Seinasta myndin er gjöf mín til mannkynsins“