Ástralska fjölmiðlakonan Jana Hocking afhjúpar merki um að maðurinn sem þú varst að byrja að hitta sé „eltihrellir.“

Jana greinir frá þessu í hlaðvarpsþættinum Kinda Sorta Dating. News.au greinir frá. Hún segir að það sé einn hlutur sem karlmenn, eða í raun hver sem er, gera sem er „massíft turn off“ og hugsanlega merki um eitthvað óheillavænlegt.

Jana segir að ef karlmaður segist hafa eytt Tinder-forritinu þegar þið eruð nýbúin að kynnast þá sé það stórt viðvörunarmerki (e. red flag).

„Ég fór út með gæja á annað stefnumót og hann var alveg: „Ég er búin að eyða Tinder“ og hann horfði á mig alveg: „Jæja…““ Segir Jana.

Gestur Jönu í þættinum, Candice Warner, er sammála henni um að þetta myndi alveg slökkva í henni.

„Þú þekkir mig ekki nógu vel á þessum tímapunkti til að ákveða hvort þú viljir eyða forritinu eða ekki. Þannig ég var alveg: „Ókei það er greinilega eitthvað meira í gangi með hann“ og það kom í ljós að hann var ágætis eltihrellir,“ segir Jana.

Hún segir að annað viðvörunarmerki sé ef karlmaður deilir bara myndum af efri búk eða myndum af sér langt í burtu. Hún segir að það sé merki um að maðurinn hafi eitthvað að fela.

„Það eru leiðir til að sjá hvort einhver á Tinder sé giftur,“ segir Jana og bætir við að flestir giftir karlmenn á stefnumótaforritum séu of hræddir til að fylgja eftir og mæta á stefnumót. Hún fór eitt sinn á stefnumót með karlmanni sem „fríkaði út“ eftir smá tíma og lét sig hverfa á miðju stefnumóti.