Karlmaður skrifar hreinskilið bréf til Dear Deidre, kynlífs- og sambandsráðgjafa The Sun. Deidre segir að athæfið sé mun algengara en fólk grunar.

„Í hvert skipti sem ég heimsæki mágkonu mína þá stenst ég ekki mátið að klæðast nærfötunum hennar,“ viðurkennir maðurinn, sem er 47 ára.

„Ég hef aldrei fundið fyrir þörfinni að klæðast nærfötum eiginkonu minnar en ég held að það sé hluti af spennunni. Við vorum í sömu „búbblu“ og mágkona mín í útgöngubanninu og kíktum reglulega í kaffi til hennar,“ segir maðurinn.

„Eina heimsóknina tók ég eftir hrúgu af hreinum nærfötum. Ég heyrði þær tala saman niðri þannig ég fór úr fötunum og klæddi mig í nærbuxurnar. Eiginkona mín var að spá hvað væri að taka svona langan tíma og kom að mér í nærfötunum. Frekar en að fá áfall þá sagði hún að nærbuxurnar litu vel út á mér og þetta kveikti í henni.“

Þetta er orðið að reglulegu athæfi hjá manninum. „Núna laumast ég upp í hverri heimsókn og tek sjálfsmyndir af mér í mismunandi nærfötum og sendi eiginkonu minni þær.“

Deidre svarar manninum. „Þetta er mun algengara en þú heldur. Margir karlmenn njóta þess að klæðast kvenkyns undirfötum. Fyrir marga tengist þetta jákvæðum æskuminningum.  Það er ekkert að því að þú klæðist kvenkyns nærfötum en vandamálið er að þú ert að klæðast nærfötum mágkonu þinnar án hennar leyfis. Fáðu eiginkonu þína til að kaupa ný nærföt handa þér.“