Frosti Logason, fjölmiðlamaður, fékk sér nýtt húðflúr í dag tileinkað eiginkonu sinni, Helgu Gabríelu Sigurðardóttur. Hann lét flúra yfir bringuna með stórum stöfum „Gabríela“ en Chip Baskin flúraði bringu útvarpsmannsins.

Það má því gefa sér að þessi ást eigi að endast að eilífu og Frosti sé yfir sig ástfanginn af Helgu Gabríelu. Frosti og Helga Gabríela gengu í það heilaga í fyrir rúmum tveimur vikum en saman eiga þau eitt barn og eru annað á leiðinni.

Frosti er fyrrum rokkhundur og er liðsmaður rokksveitarinnar Mínus. Hann skartar þó nokkrum flúrum en það nýjasta er þó það vígalegasta og gefur sterklega til kynna að ekki sé allt rokk úr Frosta.