Dana Kuritzkes gefur ráð varðandi stefnumót, kynlíf og öllu tengt tilhugalífinu á samfélagsmiðlum. Hún er með rúmlega 160 þúsund fylgjendur á TikTok og fór eitt myndbanda hennar nýlega eins og eldur í sinu um netheima.

Í því opinberar hún það sem hún segir konur „raunverulega“ vilja í rúminu. Hún tekur það þó skýrt fram að hún getur aðeins talað út frá sinni reynslu, reynslu vinkvenna sinna og kvenna sem hún hefur talað við. Hún er ekki að tala fyrir hönd allra kvenmanna alls staðar.

Hér er það sem konur vilja raunverulega í rúminu samkvæmt Dönu.

„Númer eitt, það þarf að hita okkur upp.

Þú myndir ekki setja kalkún í kaldan ofn. Sama með okkur. Hitið okkur upp þar til það fer að kvikna í okkur,“ segir hún.

„Númer tvö, þú verður að vera ákveðinn.

Það er munur á því að vera ákveðinn og ágengur (e. assertive and aggresive). Ég vil minna á að ég tala aðeins út frá minni reynslu og reynslu vinkvenna minna, en við erum hrifnar af því þegar okkur er sagt hvað við eigum að gera. Það sýnir okkur að þú sért öruggur og öruggur í því sem þú ert að gera og það er heitt.“

„Númer þrjú, við viljum láta „strjúka egó-inu“ okkar.

Hafið það í huga að konur eru ótrúlega sjálfsmeðvitaðar, þannig því oftar sem þú segir okkur að þú fílir þetta, því betra. Segðu að við séum heitar, segðu að þú sért að njóta þess sem þú ert að gera við okkur. Dæmi: Ég elska hvernig X þín X. Þið getið fyllt í eyðurnar.“

„Númer fjögur, þú þarft að læra að geta gert margt í einu.

Það sem ég á við með því er að þú átt að nota fingurnar meira. Sérstaklega þegar þú ert fyrir sunnan.“

„Númer fimm, segðu okkur að taka okkar tíma.

Við konur erum oft að hugsa svo mikið að um leið og þú segir okkur að taka því rólega þá náum við að slaka meira á og  finnum ekki fyrir sömu pressu,“ segir Dana.

Hún mælir einnig með því að nota kynlífstæki. „Kynlífstæki eru vinir þínir, ekki óvinir,“ segir hún.

„Númer sex, sendu kynþokkafull skilaboð.

Sendu okkur skilaboð og segðu að þú getur ekki beðið eftir því að hitta okkur og segðu hvað þú ætlar að gera við okkur þegar það gerist.“

„Númer sjö, komdu okkur á óvart með því að prófa eitthvað nýtt.

„Á meðan báðum aðilum líður vel,“ tekur hún fram.

@the_d_spotCan’t believe I’m telling you this for free. ##datingadvice ##datingtips ##datingadviceformen ##singlelife ##millennial♬ original sound – The D Spot

Myndbandið hefur fengið tæplega sjö milljónir í áhorf og yfir 550 þúsund „likes.“ Fjöldi kvenna taka undir með Dönu.

„Augnablikið sem hann spyr: „Ertu nálægt?“ þá er hann búinn að eyðileggja alla vinnuna sem hann lagði inn,“ segir einn netverji.