Jodie Weston er ljóshærð og hafði ekki hugmynd um hvaða áhrif hárlitur hennar hafði á fólk fyrr en hún prófaði að vera dökkhræð í einn dag.
Jodie er 27 ára áhrifavaldur og plötusnúður frá London og kemur fram í raunveruleikaþættinum Rich Kids Go Skint á Channel 5. Hún segir að venjulega þurfi hún aldrei að bíða í röð, borga fyrir drykki eða bílastæðasektir, hún hafði þó ekki hugmynd um að það væri ljósu lokkum hennar að þakka. Jodie prófaði að vera með dökkhærða hárkollu í einn dag og var í áfalli þegar hún sá hvernig hegðun fólks gagnvart henni breyttist.
Jodie líkir sér við ljóshærðar skutlur á borð við Marilyn Monroe. Hún ákvað að framkvæma félagslega tilraun og sjá hvernig það væri að vera dökkhærð. Hún setti á sig hárkollu áður en hún fór að versla í matinn og var mjög hissa yfir niðurstöðum tilraunarinnar.
View this post on Instagram
Hún sagði að fólk hefði ekki einu sinni haldið opnum dyrunum fyrir hana og að „allt öðruvísi gaurar hefðu reynt við“ hana. „Ég laðaði til mín týpur eins og endurskoðendur eða menn með gleraugu,“ segir hún.
Þó aukin virðing sé vissulega kostur við að vera dökkhærð þá segir Jodie það hafa ýmsa galla. „Fólk bauð ekki fram aðstoð sína eins mikið. Ætli þau héldu ekki að ég væri bara með hlutina á hreinu,“ segir hún.
„Þegar ég er ljóshærð er fólk mun viljugra til að hjálpa mér og það var blístrað mun meira á eftir mér á götunni.“
Jodie er þó ekki náttúrulega ljóshærð. Hún er dökkhærð af náttúrunnar hendi en byrjaði að lita hárið ljóst eftir erfið sambandsslit árið 2017.
„Ég er mjög hress og glaðvær, persónuleiki minn passar við hárið mitt. Þannig að þegar ég var með alvarlegri hárgreiðslu, þá var komið öðruvísi fram við mig,“ segir hún. „Ég held að konur dæmi mig frekar sem ljósku, þar sem stelpur eru sínir verstu óvinir. Þegar ég er ljóshærð þá dæma stelpur mig og halda að ég sé flenna.“
View this post on Instagram