Sumir segja að við eigum okkur öll tvífara einhvers staðar í heiminum. Ýmsir eru þó heppnari en aðrir og hafa þegar fundið sinn tvífara. DV kemur til bjargar og parar saman nokkra tvífara sem sumir hverjir gætu vel hafa verið aðskildir á fæðingardeildinni.
SARA BJÖRK OG SARAH SILVERMAN
Sara Björk Gunnarsdóttir, knattspyrnukona í Lyon og íþróttamaður ársins 2020, er ansi lík bandarísku leikkonunni og uppistandaranum Söruh Silverman. Þær eru báðar svipmiklar með fallegt dökkt hár og brún seiðandi augu.
JÓHANNES UPPLJÓSTRARI OG DERMOT MULRONEY
Jóhannes Stefánsson, fyrrverandi starfsmaður Samherja og uppljóstrari með meiru, þykir heldur líkur bandaríska hjartaknúsaranum Dermot Mulroney sem er þekktastur fyrir leik sinn í kvikmyndunum My Best Friend’s Wedding og The Wedding Date.
Dermot Mulroney
SÓLVEIG ANNA OG ELLEN LOFTS
Það er óneitanlega svipur með Sólveigu Önnu Jónsdóttur, formanni Eflingar, og Ellen Loftsdóttur, listrænum stjórnanda og stílista. Þær líta allavega út fyrir að geta vel verið systur. Ljósa hárið og bláu augun fara ekki fram hjá neinum.
Ellen Loftsdóttir
CURVER OG HULLI
Listamennirnir Curver Thoroddsen og Hugleikur Dagsson eru svo líkir að auðvelt er að rugla þeim saman. Hugleikur er þekktastur fyrir kolsvartan húmorinn sem birtist í skopmyndunum hans en Curver hefur í gjörningum sínum verið iðinn við að setja daglegt líf í listrænt samhengi.
KAREN KJARTANS OG ANNA PAQUIN
Karen Kjartansdóttir, framkvæmdastjóri Samfylkingarinnar, og bandaríska leikkonan Anna Paquin sem margir þekkja úr vampíruþáttunum True Blood eru mjög líkar. Þær skarta báðar fallegu frekjuskarði sem gefur mikinn svip.
KRISTJÓN KORMÁKUR OG GIANLUIGI BUFFON
Þeir hafast ólíkt að en líkindin felast í útlitinu hjá þeim Kristjóni Kormáki Guðjónssyni, blaðamanni á Mannlífi, og Gianluigi Buffon, markverði hjá Juventus, sem talinn er einn besti markvörður allra tíma. Keppnismenn báðir tveir.